“Бүгдийг нэг дороос” – Итгэлтэй түнш, цогц шийдэл

МОТОМОМП ХХК нь 2015 онд дотоодын 100 хувийн хөрөнгө оруулалттайгаар байгуулагдсан бөгөөд үүсгэн байгуулагдсан цагаасаа хойш Монгол Улсын зах зээлд дэлхийн тэргүүлэгч үйлдвэрлэгчдийн үйлдвэрлэлийн зориулалттай, өндөр чанартай багаж, тоног төхөөрөмжийг тасралтгүй нийлүүлсээр байна.

Бид зам барилга, орон сууц, нийтийн аж ахуй, эрчим хүч, дэд бүтэц, уул уурхай, хөдөө аж ахуй, авто засвар зэрэг олон салбарт өргөн хэрэглэгддэг бага оврын техник, тоног төхөөрөмж, багаж хэрэгслийг хэрэглэгчдэд өргөн сонголт, баталгаат чанар, өндөр сэтгэл ханамжтайгаар хүргэхийг эрхэм зорилгоо болгон ажилладаг.

Манай компани нь дэлхийд танигдсан 20 гаруй нэр хүндтэй үйлдвэрлэгчийн Монгол дахь албан ёсны дистрибьютерээр ажилладаг бөгөөд “Бүгдийг нэг дороос” хангамжийн цогц шийдлийг санал болгож байна. Бид нийлүүлсэн бүтээгдэхүүн бүрдээ чанарын баталгаа олгож, сэлбэгийн тасралтгүй нийлүүлэлт, баталгаат засвар үйлчилгээ, борлуулалтын дараах үйлчилгээг үзүүлдэг.

Монгол орны цаг уур, байгаль орчин, техникийн онцлогт тохирсон, бат бөх хийцтэй, эдэлгээ даах чадвартай бүтээгдэхүүнийг үйлдвэрлэгчээс шууд нийлүүлэх нь бидний онцгой давуу тал юм. Мөн бид байгууллагын болон хувь хэрэглэгчийн сегментэд чиглэсэн мэргэжлийн зөвлөгөө, найдвартай хамтын ажиллагаа, чанартай бүтээгдэхүүнээр дамжуулан харилцагчийн бизнесийн амжилтад бодит хувь нэмэр оруулахыг зорьдог.